時事脈搏

有心人4年前開辦香港唯一的「寵物救護車服務」,全天候隨時出動。服務遍及狗、貓、兔、蛇、羊,一律不收費⋯⋯

香港01 | 2018-09-03
「白車」車廂內有氧氣機等急救設備,為寵物全天候隨時出動(圖:香港01)「白車」車廂內有氧氣機等急救設備,為寵物全天候隨時出動(圖:香港01)

人類遇上身體不適,可坐救護車到醫院求醫,家中寵物如果突然生病,又可以如何?在香港,帶同寵物搭車本來已困難重重,如在半夜遇上緊急情況,更難上加難。但有一位有心人,自四年前開始了全港唯一的「寵物白車服務」,他就是「一寵愛物流」的豪哥。他不收車錢不收清潔費,「白車」車廂內有氧氣機等急救設備,為寵物全天候隨時出動:「就算半夜都好,有咩事嘅,call我!」

「今年3月有日朝早,我隻狗QQ突然喺屋企抽筋,抽咗五次,我就帶佢出元朗睇醫生,去到診所時,醫生話佢哋診所幫唔到QQ,要我轉院,但臨急臨忙去邊度搵車車我呢?好彩打畀豪哥,佢就即刻飛出嚟接我!」寵物「白車」用家之一、北京狗QQ主人阿溰表示,三年多前已在網上知道豪哥會提供寵物接送服務,「嗰次豪哥由元朗接我哋去太平道,點知嗰間醫院停電,好不幸我哋又再跨區去灣仔⋯⋯但豪哥完全冇收錢,仲叫我快啲去睇完醫生先講啦!」最後,十六歲半的QQ還是捱不住,最終在診所離世,而豪哥亦接載QQ到善終公司,陪伴牠走最後一程。

由做生意變做義工

「本來係做普通寵物接送,幾年前香港好少車可以畀寵物坐。做做下再發現,原來香港人好需要接送寵物去睇醫生嘅服務。」眼前的豪哥是個膚色黝黑的硬漢子,雖然採訪期間會跟家中狗狗說「最憎係你哋」,卻又忍不住面露笑容,再三望向牠們。

現時養了六頭狗的豪哥說,四年前開始放下室內設計及工程的工作,一邊做寵物寄養生意,一邊做寵物接送服務,希望感染周邊的人,以至整個社會,願意接納寵物乘坐交通工具出入。一次偶然機會下,他接載一頭中暑唐狗前往求醫,之後一傳十、十傳百,很多寵物主人會在需要時急call豪哥,「以前架車未有啲咩設備,隻唐狗當時行唔到,咪用張床單或窗簾布包住佢,同主人一頭一尾抬上車。之後開始斷斷續都有主人搵我車寵物去睇醫生。」

現時養了六頭狗的豪哥說,四年前開始放下室內設計及工程的工作,一邊做寵物寄養生意,一邊做寵物接送服務,希望感染周邊的人,以至整個社會,願意接納寵物乘坐交通工具出入(圖:香港01)現時養了六頭狗的豪哥說,四年前開始放下室內設計及工程的工作,一邊做寵物寄養生意,一邊做寵物接送服務,希望感染周邊的人,以至整個社會,願意接納寵物乘坐交通工具出入(圖:香港01)

由數年前一個月最多一宗緊急接送,到現時每月至少五宗,服務遍及狗、貓、兔、蛇,甚至是羊,豪哥一律都不收錢,「反正都係想幫人。」豪哥指,現時香港「寵物白車」服務只有他自己一個人、一輛車,雖然很希望可以召集更多有心人建立「白車」網絡,但他也體諒香港人工作忙,要生活、要交租、要食飯,「有時都有啲狗友同我講邊啲時間得閒,可以搵佢幫手,不過就冇辦法全職做⋯⋯見到大家都有個連理心:如果嗰一刻身邊有人肯幫手,即刻車寵物去醫生度,可能就係差短短時間,隻寵物係可以救得返。」

「喺我依家生活條件仲許可,做呢件事(寵物白車)無傷大雅,又唔係日日都有急救,而且我嘅成本唔多,出車入油最多咪幾百蚊一次,睇少場戲都喺返度啦。」

「白車」專業嗎?

所謂的「寵物白車」,名副其實是輛白色七人車,外形與一般私家車無異,內裏則裝備了不少由豪哥添置的急救裝備:有由外國訂回來、紅色的寵物用救生帆布,可讓主人在狹窄地方揹起寵物;亦有藍色擔架床,遇上體型較長、較重的狗隻,或者村屋等需要上落的環境也可大派用場。此外,車廂內還有一部耗上過萬元購買及改裝的製氧機,「同人一樣,喺診所返屋企或者由診所轉診所,中間路程都係需要氧氣。」

北京狗QQ(右為QQ仿造公仔)和主人阿溰,曾經是寵物白車的用家(圖:香港01)北京狗QQ(右為QQ仿造公仔)和主人阿溰,曾經是寵物白車的用家(圖:香港01)

採訪前數天,豪哥亦有出動。晚上11時左右,錦上路有一頭十歲德國狼狗突然行不到直線,連站立也是不穩,眼珠更不斷上下轉動,主人大為擔心,即召豪哥幫忙,「主人新領養隻狗,明知佢咁老都肯收養。當晚我去到,隻狗好驚係咁掙扎,擺唔到上擔架,唯有試下傍住佢行上車。」他們先後到過幾間診所,醫生認為狼狗患上前庭神經老化,但他們都拒絕收症,直至去到西營盤一間二十四小時診所,醫生診斷後決定開藥,狼狗不用留院,「睇完醫生都兩點幾,都要帶佢返屋企,咁大隻狗會有咩車搭?所以我都等埋檢查完再車返佢哋走。」豪哥從家中出發,由新田到錦上路,再去西營盤然後折返錦上路,回到家中已是凌晨4時多。

豪哥指,「救護車」一晚只可完成一個柯打,遇上「撞單」,亦只感無奈,「香港現時嘅資源,係唔會有個團隊,有醫生、有護士又有車,好似人用嘅醫療體系咁,隨時on call唔收錢。幫唔到嘅case最後係點?我都唔敢追問啦。」豪哥又指,不介意主人「濫用」白車服務,皆因他明白,每個主人面對患病寵物都是心急如焚,「有時電話入面講到好緊急,去到可能隻狗係類似腸胃炎,但仲好活躍。咁係咪叫濫用呢?其實冇一條界線。解釋畀主人聽,佢哋會經一事長一智,下次唔會(亂call)囉。」「寵物白車」服務雖然不需收費,不過豪哥希望,大家使用後可將大約車費捐給各大狗場,延續他的一腔熱誠,繼續幫助其他有需要動物。


轉載自香港01:
https://www.hk01.com/...E5%B0%8F%E6%99%82on-call

評論 :
    更多評論
    回覆 :
    姓名 : *
    內容 : *
    驗證碼 : *
    分享到